يوميات الميكروباص .... وصباح الشلل يا عم الحج!!!

المشاركة الأصلية كتبت بواسطة اميرالعذاب

اولا يا بوسى موضوع جميل جدا والله وفعلا المواصلات دى من اكبر المصايب فى حياتنا

بكل انواعها : من المترو العادى لحد عربيتك الخاصه

بصى يا ستى هقولك على معاناتى الشخصيه مع المواصلات

انا كنت من عشاق المترو العادى .. اللى هو مترو عبد العزيز فهمى " الف مسكن - رمسيس "

كنت فى ابتدائى بروح بيه المدرسه وانا فرحان اوى .. بس لما كبرت عرفت انه اكبر مصيبه من مصايب الزمن .. المشوار بالظبط 3 محطات .. بياخدهم فى ربع ساعه والله .. يعنى لو مكمل لاخر الخط هتوصلى على طلعة رمضان بأذن الله
تدخلى على الاتوبيس : سريع وحلو واخر حاجه .. بس زنققققه اخر حاجه " وشغل الاتوبيسات " شغال جوه الله ينور " الزنقه " فهمانى اكيد .. ومعرفش مين يديكى فضهرك ويدوس على رجلك ويزوقك .. شوية كمان وهيديكى باللى فرجله !!! تيجى وانتى نازله .. انا نازل هنا يا اسطى .. ولا كأنه هنا .. يحسسك انه " كائن فضائى " مش فاهم انتى بتقولى ايه ينزلك المحطه اللى بعدها .. بنزل طبعا وانا بدعى على مامته
تدخلى على مترو الانفاق : تحسى انك مش نازله محطة مترو .. لا .. انتى داخله سوق الخميس .. زحمه بالعبيييييييييييييييييييييييييط .. وضرب وزنقه وكله بيجرى !! فالمارسون احنا !!
تدخلى على الميكروباص " مواصلة الشعب " .. تبقى لسه راكبه من نفس الخط وتكون الاجره ب 50 قرش بعديها بساعه تلاقى السواق يقولك الاجره جنيه يا جماعه !! ليه يا اسطى .. هو كده اللى مش عاجبه يتمشى .. طبعا لضيق الوقت بديله الـ جنيه واتحسبن عليه .. واكتر حاجه تخنق حوار انى اتدبس فلم الاجره .. او انك تقعدى فالكنبه ورا .. لانها مش بتشيل غير 3 افراد بالعافيه .. لا هو بيركب اربعه ولولا انك بتصعبى عليه ممكن يقعد الـ 5 ..وانتى نازله خلاص فالمكان اللى عيزاه .. قبل ما تنزلى برجلك التانيه تلاقيه بيحرق بنزين وماشى وانتى رجلك التانيه لسه فوق !!
التاكسى " مواصلة الراحه " .. بركب التاكسى انا مرتين فاليوم وانا رايح الشغل .. انا مشوار بالظبط 3 جنيه بالكتير اوى .. لازم اقعد اتخانق كل يوم لانه يقولك لا 4 جنيه عشان البنزين ومعرفش ايه .. انفضله وامشى .. وانتى بقى راكبه معاه والاشاره قافله .. وعالصبح كده .. عايز يفوق .. يصدعك .. وهاتك يا لوك لوك لوك لوك .. وياريتها فحاجات بيفهم فيها .. فحاجات يمكن هو ميفهمش ايه هى ؟؟ يقولك البورصه ومش البورصه .. هو فاكرها حاجه فالكوره .. ميعرفش انها شغل اقتصاد !!
السياره الملاكى الخاصه بيا : تركبيها عليها مليون حوار بقى .,.تبقى خايفه للظابط يتلكك ويرزعك مخالفه ب 150 ج عالصبح ولا يحصل اى حوار عالصبح وتتأخرى عالشغل ولا تتسحب الرخص لاى سبب " الظابط قرفان عالصبح وبيسلى فراغه " الله اعلم

اخر الكلام ربنا يتوب علينا من المواصلات اللى هتقضى علينا دى .. وبجد ده قليل اوى من المعاناه اللى الناس بتعانيها .. وربك يسترها :d

ياعيني يا واد
دانا مش لوحدي بقي
دا الشعب كله
تعرف والله انا كرهت مشوار كل يوم بتاع الكليه بسبب المواصلات
واخرهم الدنيا شتت علينا انا وصحابي في الشارع واتبهدلنا وعيينا بسبب ما كناش لقيين حاجه نركبها واحنا راجعيين من الكليه
حاجه قرف والله
وفعلا ربك يسترها

نورت اوي والله يا امير
ونايس كومنت

المشاركة الأصلية كتبت بواسطة crazy_nado

جامد يا بوسي كالعادة
بس نسيتي تحكي ع التونيات

ندا يا قمر
نورتي التوبيك والمنتدي واشارات المرور

التونيات دي مش حاجه يعني
اخرها لو زهقتي منها سيحيها
هههههههههههههههههههه

اوعدك نتكلم فيها في المحطه الجايه
بس نوصل

يسلمووو على الموضوع

ههههههاهاها انا بقرأ الموضوع وقافلة النور والدنيا ضلمة وقاعدة بضحك ببص مرة واحدة لقيت ماما واقفة ورايا في الضلمة وبتقولي بتضحكي علي اية خليتني صوت من الخضة ههههاها

انا بقا هقولكم حكايتي مع المواصلات
انا خبيرة في الميكروباصات عمري ما ركبت المترو غير مرة واحدة ومكررتهاش تاني كانت اول مرة في حياتي مع اخويا
وعلشان انا مش عارفة انزل فين المفروض في مكان للسيدات ومكان للرجالة علي ما اظن المهم اخويا ركب معايا واحنا واول ما المترو وقف ونزلنا لقينا ظابط جة اخدنا في اية في اية اتاري مينفعش محمد يركب معايا علشان دا مكان حريم المهم دفع غرامة 5 جنية من يوميها مسافرت القاهرة

تعالو بئة للميكروباص قبل كدا بركب ميكروباص لسة بطلع روحت واقعة بقا نصي في الميكروباص ونصي علي الاسفلت كل الي قاعدين يضحكو عليا وانا شكلي مسخرة

ومرة كنت راكبة جمب ماما في الاخر وفي راجل قاعد قدامي والسواق الغبي ماشي بسرعة راح موقف مرة واحدة ببص لقيت نفسي واقعة علي ركبي وفي حضن الراجل الي قدامي ونانا نازلة ضحك ومش قادرة تشيلني من كتر الضحك

ومرة كنت راكبة ميكروباص زبالة انا لو نزلت ومشيت هوصل اسرع منة والمشكلة انة مفهوش شباك المهم هو علي كل محطة بيقف فجة مرة وقف راح واد في الشارع اداني بالفقا وجري انا ببص جمبي مالقتهوش ونا مش قادرة اتكلم عايزة انزل اجري وراة اجيبة من قفا امة بس مش عارفة

عندنا هنا الاجرة ب 35 قرش فأنا بدي لاي تباع ربع جنية عادي فالتباع يقولي لسة 10 ساغ يا ابلة او لسة بريزاية دا التباع الي بيكون مزاجة حلو يعني لو متكلمتش وقولتلة لية وجيت اديلة البريزاية الي بيقول عليها دي يقولي لا خلاص انتي طلعتي عسولة يا ابلة مش واخد البريزاية ولو اتكلمت وقولت لية البريزة يقولك خلاص متدفعش بس انا هنزلك قبل ما محطتك وهخليك تكع شوية مشي بالبريزة دي

انا قبل كدا عملت تبااع كنت احلي تباع في مصر الميكروباص الي انا كنت راكبة فية مفيهوش تباع فروحت قاعدة جمب الباب وقعدت اقول الجامعة الجامعة الجامعة يا ابلة الجامعة يا بية حاسب ياسطي واخبط علي الباب والسواق يقف ويضحك اركب الناس واقول 4 ورا مش 3 يا عالم واقول زبون يا ناس والكل قعد يضحك بس انا كان يوميها دماغي حلوة وجايلي نفس اعمل اي حاجة

في ستاااااات بئة مش هقولك يقعدو جمبك لا يقعدو نص رجليهم علي الكنبة والنص التاني علي رجلي انا
ولا العيال لو واحدة اديتني ابنها احطة علي رجلي علي ما هيا توصل لمحطتها بيبقا يوم الواد اسود معايا خصوصا لو واد مبيعرفش يتكلم بقعد اقرص فية من تحت رجلية يعني واديلة علي قفاة واشد شعرة والواد يعيييط وانا اقولة مالك يا كوكو في اية يا حبيبي واسمي علية بسم الله الرحمن الرحيم تقوم الولية واخددة ابنها ينفضل طول الطريق الواد يبصلي ونا ابرقلة وهو يعيييط وامة مش عارفة في اية

هههههاها انا بشوف حاجات غريبة في المواصلات بس انا بعرف اتصرف

كفاية مش عايزة اطول الموضوع جنان

ههههههههههههههههههههههههههههههههههههههههههه
والله كله بقي مقرف حتى لو راكبه عربيتك بالذات بقي لما تكون العربيه جمرك مثلا او لما تيجي عند العسكري متعرفش هو بيطلع منين ويجييقولك اركن على جنب ليه ياعم يقوله انت كلك مخلفات ويجبلك بقي القطط الفطسانه اللى فى العربيه والمفروض اللى بيبقي جايه جمرك بيشيل رخصه تانيه غير بتاتعت مصر يجي الظابط يشوف الرخصه يقول ايه اده بتاعت ايه والمهم انها مكتوبه بالعربي وبالانجليزى يعنى لو طفل ماشي فى الشارع هيعرف ديه بتاعت ايه ويقولك لا ديه مش الرخصه انت معكش رخصه طيب ياعم انا بنزل شهر مش معقول انا كل مااجى انزل اروح اطلع الرخصه عقبل لما تطلع يكون الشهر خلص وهما اصل اللى بيدونا الرخص ديه وانت داخل البلد
لحد لما الواحد اتخنق
طبعا غير بتوع الميكروباص اللى الحمدالله مطلعين عين ابويه اجى اقوله هنا ميردش ويعمل نفسه مش سامع اروح اقوله تانى يقولى ماشي ايانسه انا سامع اسكت واستنى ينزلنى الاقي نزلنى عند مكان مبنزلش فيه خالص
بس انا بصراحه بركب المترو على طول وعمري ما صدفته وحصل فيه مشكله الحمد الله

السلام عليكم ورحمة الله وبركاته
شـكــ وبارك الله فيك ـــرا لك ... لك مني أجمل تحية .